പരീക്ഷണം 82
പ്രകാശത്തിന്റെ അപവര്ത്തനം
അപ്രത്യക്ഷമാകുന്ന നാണയം
ആവശ്യമുള്ള സാധനങ്ങള്
ഒരു സുതാര്യമായ ഗ്ലാസ്, നാണയം, വെള്ളം
ചെയ്യുന്ന വിധം
ഒരു നാണയം മേശപ്പുറത്ത് വക്കുക .ഇതിനു മുകളിലായി ഗ്ലാസ് വക്കുക .ഇപ്പോള് മുന്നില് നില്ക്കുന്നയാള്ക്ക് നാണയം കാണാന് കഴിയും .ഇനി ഗ്ലാസ്സില് വെള്ളം നിറക്കുക .മുന്നില് നില്ക്കുന്നയാള്ക്ക് നാണയത്തെ കാണാന് കഴിയുന്നില്ല എന്ന് കാണാം .
ശാസ്ത്ര തത്വം
പ്രകാശത്തിന്റെ അപവര്ത്തനം എന്ന സ്വഭാവമാണ് ഇതിനു കാരണം .നാണയത്തില് തട്ടി പ്രതിപതിക്കുന്ന പ്രകാശം നമ്മുടെ കണ്ണുകളില് എത്തുമ്പോള് ആണ് നമ്മള് നാണയത്തെ കാണുന്നത് .എന്നാല് ഗ്ലാസ് വെള്ളം ,വായു എന്നീ മാധ്യമങ്ങളില് കൂടി കടന്നു വരുമ്പോള് പ്രാകാശ പാതയ്ക്ക് വ്യതിയാനം വരുന്നത് കൊണ്ട് നാണയത്തില് നിന്നുള്ള പ്രകാശം നമ്മുടെ കണ്ണുകളില് എത്തുന്നില്ല .
പരീക്ഷണം 83
പ്രത്യക്ഷമാകുന്ന നാണയം
ആവശ്യമുള്ള സാധനങ്ങള്
ഒരു ചെറിയ ബൌള് പാത്രം ,നാണയം ,വെള്ളം
ചെയ്യുന്ന വിധം
ബൌളില് ഒരു നാണയം നിക്ഷേപിക്കുക .ഇനി ബൌളില് നിന്നും പിറകിലേക്ക് നടക്കുക .നാണയം കാണാതാകുന്ന സമയം നില്ക്കുന്ന സ്ഥലത്ത് തന്നെ നില്ക്കുക .ഇനി കൂട്ടുകാരനോട് ബൌളില് വെള്ളം നിറക്കാന് പറയൂ .ബൌളില് നാണയം പ്രത്യക്ഷപ്പെടുന്നതായി കാണാം .
ശാസ്ത്ര തത്വം
പ്രകാശത്തിന്റെ അപവര്ത്തനം എന്ന സ്വഭാവമാണ് ഇതിനു കാരണം .നാണയത്തില്
തട്ടി പ്രതിപതിക്കുന്ന പ്രകാശം നമ്മുടെ കണ്ണുകളില് എത്തുമ്പോള് ആണ്
നമ്മള് നാണയത്തെ കാണുന്നത് . പിറകിലേക്ക് നീങ്ങുമ്പോള് നാണയത്തില് നിന്നുള്ള പ്രകാശം നമ്മുടെ കണ്ണുകളില്
എത്തുന്നില്ല .അപ്പോള് നാണയം കാണാതാകുന്നു .വെള്ളം നിറക്കുമ്പോള് വെള്ളം ,വായു എന്നീ
മാധ്യമങ്ങളില് കൂടി കടന്നു വരുമ്പോള് പ്രാകാശ പാതയ്ക്ക് വ്യതിയാനം
വരുന്നത് കൊണ്ട്നാണയത്തില് നിന്നുള്ള പ്രകാശം നമ്മുടെ കണ്ണുകളില് എത്തും .അതാണ് നമുക്ക് നാണയം വെള്ളത്തില് ഉയര്ന്നു വന്ന പോലെ കാണുന്നത് .
പരീക്ഷണം 83
തല മാറുന്ന അമ്പടയാളം
ആവശ്യമുള്ള സാധനങ്ങള്
ഒരു സുതാര്യമായ ഗ്ലാസ്, പശ , പേപ്പര് ,സ്കെച്ച് പെന് ,വെള്ളം
ചെയ്യുന്ന വിധം
ഒരു ഗ്ലാസ് മേശപ്പുറത്ത് വക്കുക .പേപ്പറില് ഒരു ചെറിയ അമ്പടയാളം വരച്ചു എടുക്കുക .വരച്ച ഭാഗത്ത് പശ തേച്ചു ഗ്ലാസിന്റെ പിന് വശത്ത് ഒട്ടിച്ചു വക്കുക .ഇപ്പോള് മുന്നില് നിന്നും നോക്കുമ്പോള് അമ്പടയാളം കാണാന് കഴിയും .ഇനി സാവധാനം ഗ്ലാസ്സില് വെള്ളം ഒഴിക്കുക .വെള്ളം അമ്പടയാളം ഉള്ളതിന് മുകളില് എത്തുമ്പോള് മുന്നില് ഉള്ള ആള്ക്ക് അമ്പടയാളം തിരിഞ്ഞു തലമാറി കാണുന്നു .
ശാസ്ത്ര തത്വം
ഇവിടെ ഗ്ലാസ്സിലെ വെള്ളം വെള്ളം ഒരു കോണ് വെക്സ് ലെന്സ് ആയി പ്രവര്ത്തിക്കുന്നു .ലെന്സിനു മുമ്പിലുള്ള വസ്തുവിന്റെ തലകീഴായ പ്രതിബിംബം ആണ് നമുക്ക് കാണാന് കഴിയുന്നത് .വായു ,വെള്ളം എന്നീ മാധ്യമങ്ങളില് കൂടി പോകുമ്പോള് പ്രകാശത്തിനു അപവര്ത്തനം സംഭവികുകയാണ് ഇവിടെ .
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ