പരീക്ഷണം 90
കമ്പനം കാണാം
ആവശ്യമുള്ള സാധനങ്ങള്
ഒരു പ്ലാസ്റിക് ടംബ്ലര്,ബലൂണ് ,സെല്ലോ ടാപ്പ് ,തെര്മോക്കോള് ഉണ്ടകള് , ടേപ്പ് റെക്കോഡര്
ചെയ്യുന്ന വിധം
ആദ്യം പ്ലാസ്റിക് ടംബ്ലറിന്റെ ഉള്ളില് കുറച്ചു ചെറിയ തെര്മോക്കോള് ഉണ്ടകള് ഇടുക .വേണമെങ്കില് നിറം കൊടുത്തോളൂ .ഇനി പാത്രത്തിന്റെ വായ് ഭാഗത്ത് ബലൂണ് ഡയഫ്രം പോലെ വലിച്ചു കെട്ടുക .ഇനി ടേപ്പ് റെക്കോഡര് ഓണ് ആക്കി പാട്ട് വച്ചോളൂ .സ്പീക്കര് ഭാഗം മുകളില് വരുന്ന വിധം ടേപ്പ് റെക്കോഡര് വയ്ക്കൂ .സ്പീക്കറിന്റെ മുകളില് ബലൂണ് കെട്ടിയ ഭാഗം വരുന്ന വിധം പ്ലാസ്റിക് പാത്രം വച്ചു നോക്കൂ .പാത്രത്തിന്റെ ഉള്ളില് തെര്മോക്കോള് ഉണ്ടകള് പാട്ടിനൊത്ത് ചാടിക്കളിക്കുന്നതായി കാണാം .
ശാസ്ത്ര തത്വം
കമ്പനം മൂലമാണ് ശബ്ദം ഉണ്ടാകുന്നത് .സ്പീക്കറില് ഉണ്ടാകുന്ന കമ്പനം ബലൂണ് പാളിയിലെക്കും തെര്മോക്കോള് ഉണ്ടകളിലെക്കും പ്രേഷണം ചെയ്യപ്പെടുന്നത് കൊണ്ടാണ് തെര്മോക്കോള് ഉണ്ടകള് പാട്ടിനൊത്ത് ചാടിക്കളിക്കുന്നതായികാണുന്നത്
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ