പരീക്ഷണം 88
ഒരു കളി ഫോണ്‍ ഉണ്ടാക്കാം
ആവശ്യമുള്ള സാധനങ്ങള്‍
രണ്ടു പേപ്പര്‍ കപ്പുകള്‍ ,നൂല്‍
ചെയ്യുന്ന വിധം
രണ്ടു കപ്പുകളുടെയും അടിഭാഗത്ത് സൂചി കൊണ്ട് ദ്വാരം ഇട്ടു നൂല്‍ കടത്തി ഉള്ളില്‍ ചെറുതായി കെട്ടിയിടുക .ഇനി ഒരു കപ്പു നിങ്ങളുടെ കയ്യിലും മറ്റേ കപ്പ് കൂട്ടുകാരന്റെ കയ്യിലും എടുക്കുക .കൂട്ടുകാരനോട് അല്പം അകലെ മാറി കപ്പിനോട് വായ്‌ ചേര്‍ത്ത് സംസാരിക്കാന്‍ പറയുക .നൂല്‍ നന്നായി വലിച്ചു പിടിച്ച ശേഷം നിങ്ങളുടെ കയ്യിലുള്ള കപ്പു ചെവിയില്‍ വച്ചു നോക്കൂ .കൂടുകാരന്‍ പറയുന്നത് വ്യക്തമായി കേള്‍ക്കാനാകും
ശാസ്ത്ര തത്വം
ശബ്ദം ഇവിടെ നൂലിലൂടെ സഞ്ചരിക്കുന്നു .അത് കൊണ്ടാണ് നമുക്ക് ശബ്ദം കേള്‍ക്കാന്‍ കഴിയുന്നത് .ശബ്ദം സഞ്ചരിക്കുന്നത് കമ്പനം മൂലമാണ്
പരീക്ഷണം 89
ഒരു സ്പീക്കര്‍ ഫോണ്‍ ഉണ്ടാക്കാം
ആവശ്യമുള്ള സാധനങ്ങള്‍
ചെറിയ സ്പീക്കര്‍ രണ്ടെണ്ണം
കണക്ട് ചെയ്യാനുള്ള വയര്‍
ചെയ്യുന്ന വിധം
സ്പീക്കറുകളെ പരസ്പരം വയര്‍ ഉപയോഗിച്ച് കണക്ട്
ചെയ്യണം. ഇനി കൂട്ടുകാരനോട് ഒരു
സ്പീക്കര്‍ ചെവിയോട് ചേര്‍ത്ത് പിടിക്കാന്‍ പറയു . അല്പം അകലേക്ക് മാറി നിന്ന് അടുത്ത
സ്പീക്കര്‍ എടുത്ത് നിങ്ങളുടെ വായോട് ചേര്‍ത്ത് പിടിച്ച് സംസാരിച്ചു
നോക്കൂ. പറയുന്നതെല്ലാം നിങ്ങളുടെ ചങ്ങാതിക്ക് സ്പീക്കറിലൂടെ
കേള്‍ക്കാന്‍ കഴിയും. കൂട്ടുകാരന് തിരിച്ചും ഇതേ പോലെ തന്നെ സംസാരിക്കാം.
ശാസ്ത്ര തത്വം
വൈദ്യുതകാന്തിക പ്രേരണം ആണ് ഇവിടെത്തെ ശാസ്ത്ര തതം .കാന്തികമണ്ഡലത്തിലിരിക്കുന്ന
കോയിലിലേക്ക് വൈദ്യുതി പ്രവഹിക്കുമ്പോള്‍ അത് ചലിക്കാന്‍
തുടങ്ങുന്നു. ഈ ചലനത്തെ ഒരു ഡയഫ്രത്തിലേക്ക് മാറ്റിയാല്‍ ശബ്ദം കേള്‍ക്കാം.
ഇതാണ് ഒരു സ്പീക്കരിന്റെ പ്രവര്‍ത്തനം . ഇതേ സ്പീക്കറിന്റെ ഡയഫ്രം ചലിപ്പിക്കുകയാണ് നമ്മള്‍ ചെയ്തത് .അപ്പോള്‍ നേരേ വിപരീതദിശയില്‍ കോയിലില്‍ അല്പം
വൈദ്യുതി നിര്‍മ്മിക്കപ്പെടുന്നു .ഈ വൈദ്യുതി സ്പീക്കറുമായി ഘടിപ്പിച്ചിരിക്കുന്ന വയറിലൂടെ അടുത്ത
സ്പീക്കറിലേക്ക് എത്തിച്ചേരും. അവിടെ വച്ച് ഈ വൈദ്യുതിയുടെ
ഏറ്റക്കുറച്ചിലുകള്‍ക്കനുസരിച്ച് കോയിലും തുടര്‍ന്ന് ഡയഫ്രവും ചലിക്കാന്‍
തുടങ്ങും. ഡയഫ്രത്തിന്റെ ചലനം ശബ്ദമായി നിങ്ങളുടെ കാതില്‍ എത്തിച്ചേരുകയും
ചെയ്യും.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ