പരീക്ഷണം 91
രണ്ടു പ്രിസങ്ങള്‍ ചേര്‍ത്ത് വച്ചാല്‍
ആവശ്യമുള്ള സാധനങ്ങള്‍
ഒരേ വലിപ്പത്തിലുള്ള രണ്ടു ഗ്ലാസ് പ്രിസങ്ങള്‍, ടോര്‍ച് ,കറുത്ത കട്ടിക്കടലാസ്
ചെയ്യുന്ന വിധം
കറുത്ത കടലാസിന്റെ നടുവിലായി ഒരു ചെറിയ സുഷിരം ഇടുക .പ്രിസം മേശപ്പുറത്തു വക്കുക .കടലാസിലെ സുഷിരത്തിനു മുന്‍വശം ടോര്‍ച്ച് പ്രകാശിപ്പിക്കുക .ഇപ്പോള്‍ കിട്ടുന്ന പ്രകാശ ബീം പ്രിസത്തിന്റെ ചരിഞ്ഞ ഒരു മുഖത്ത് പതിപ്പിക്കുക .മറു വശത്ത് ഒരു വെളുത്ത പേപ്പര്‍ പിടിക്കുക .ഏഴു നിറങ്ങള്‍ കാണുന്നില്ലേ ? ഇനി രണ്ടാമത്തെ പ്രിസം ആദ്യപ്രിസത്തിന്റെ വശത്ത് ചേര്‍ത്ത് വക്കുക ഇനി ടോര്‍ച് പ്രകാശിപ്പിക്കുക .അപ്പുറത്ത് പേപ്പര്‍ പിടിക്കൂ .കിട്ടുന്നത് വെളുത്ത പ്രകാശം ആയിരിക്കും
ശാസ്ത്ര തത്വം
പ്രിസത്തിലൂടെ പ്രകാശം കടന്നു പോകുമ്പോള്‍ പ്രകീര്‍ണനം സംഭവിക്കുന്നത് കാരണം അത് ഏഴു നിറങ്ങള്‍ ആയി പിരിയുന്നു .മറ്റൊരു പ്രിസം കൂടി ഉപയോഗിക്കുമ്പോള്‍ വിവിധ വര്‍ണ്ണരശ്മികള്‍ക്ക് വീണ്ടും അപവര്‍ത്തനം നടക്കുതിനാല്‍ വീണ്ടും അവ ഒന്നായി ചേരുന്നത് കൊണ്ടാണ് വെളുത്ത പ്രകാശം ലഭിക്കുന്നത്
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ