പരീക്ഷണം 79
പഞ്ചസാരയെ ചൂടാക്കിയാല്‍
ആവശ്യമുള്ള സാധനങ്ങള്‍
ഒരു ടെസ്റ്റ്‌ ട്യൂബ് ,അല്പം പഞ്ചസാര ,സ്പിരിറ്റ്‌ ലാമ്പ് ,പഞ്ഞി
ചെയ്യുന്ന വിധം
ടെസ്റ്റ്‌ ട്യൂബില്‍ അല്പം പഞ്ചസാര എടുക്കുക .ട്യൂബിന്റെ വായ്‌ ഭാഗം പഞ്ഞി കൊണ്ട് നന്നായി അടക്കുക .സ്പിരിറ്റ്‌ ലാമ്പ് കത്തിച്ച ജ്വാലയില്‍ ടെസ്റ്റ്‌ ട്യൂബ് കാണിക്കുക .എന്ത് സംഭവിക്കുന്നു നിരീക്ഷിക്കൂ .അല്‍പ സമയം കഴിയുമ്പോള്‍ ടെസ്റ്റ്‌ ട്യൂബിന്റെ അടിയില്‍ കറുത്ത ഒരു അവക്ഷിപ്തം കാണുന്നില്ലേ ?പഞ്ഞി എടുത്തു മാറ്റി തൊട്ടു നോക്കൂ ..നനഞ്ഞിരിക്കുന്നതായി കാണാം
ശാസ്ത്ര തത്വം
പഞ്ചാസാരയില്‍ കാര്‍ബണ്‍ ,ഹൈഡ്രജന്‍ ,ഓക്സിജന്‍ എന്നിവ അടങ്ങിയിരിക്കുന്നു .ചൂടാക്കുമ്പോള്‍ ഇത് വേര്‍പിരിയുന്നു .അടിയില്‍ കാണുന്നത് കാര്‍ബണ്‍ ആണ് .ഹൈഡ്രജനും ഓക്സിജനും ചേര്‍ന്ന് വെള്ളം ആയി മാറുന്നു .ഇതാണ് പഞ്ഞി നനയാന്‍ കാരണം
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ