പരീക്ഷണം 80
ശ്വസിക്കുന്നത് എങ്ങിനെ?
ആവശ്യമുള്ള സാധനങ്ങള്‍
ഒരു പ്ലാസ്റിക് കുപ്പി ,കത്തി ,ബലൂണുകള്‍ , സ്കെച്ച് പെന്‍ കൂട്
ചെയ്യുന്ന വിധം
പ്ലാസ്റിക് കുപ്പിയുടെ അടിഭാഗം കത്തി ഉപയോഗിച്ചു മുറിച്ചു കളയുക .ഇവിടെ ഒരു ബലൂണ്‍ മുറിച്ചു വിടര്‍ത്തി അടച്ചു കെട്ടുക .കുപ്പിയുടെ അടപ്പില്‍ ഒരു ദ്വാരം ഉണ്ടാക്കി അതിലൂടെ സ്കെച് പെന്‍ കൂട് കടത്തുക .വായു നിബന്ധമാക്കുവാന്‍ പശയിട്ടു ഉറപ്പിക്കുക .മറ്റൊരു ബലൂണ്‍ വായ്‌ ഭാഗം .സ്കെച്ച് പെന്‍ കൂടിന്റെ അടി ഭാഗത്ത് കെട്ടി ഉറപ്പിക്കുക . ബാല്ലോന്‍ ഉള്‍ഭാഗത്ത്‌ വരുന്ന വിധം കുപ്പിയെ അടപ്പ് ഉപയോഗിച്ചു അടക്കുക .ഇനി അടിയിലെ ബലൂണ്‍ പാളി താഴത്തേക്ക്‌വലിച്ചു നോക്കൂ .കുപ്പിയുടെ ഉള്ളിലെ ബലൂണ്‍ വീര്‍ക്കുന്നതായി കാണാം .ബലൂണ്‍ പാളി പഴയ സ്ഥിതിയില്‍ ആകുമ്പോള്‍ ബലൂണ്‍ ചുരുങ്ങുന്നതായും കാണാം
ശാസ്ത്ര തത്വം
ബലൂണ്‍ പാളിയെ താഴത്തേക്ക്‌ വലിക്കുമ്പോള്‍ കുപ്പിക്കുള്ളിലെ വ്യാപ്തം കൂടും .അപ്പോള്‍ കുപ്പിക്കുള്ളിലെ മര്‍ദ്ദം കുറയും. അന്തരീക്ഷ മര്‍ദ്ദത്തിന്റെ പ്രവര്‍ത്തനം കാരണം പുറമേ നിന്നുള്ള വായു സ്കെച്ച് പെന്‍ കൂടിലൂടെ ബലൂണിനു ഉള്ളിലേക്ക് കടക്കുന്നു .ബലൂണ്‍ പാളി പഴയ സ്ഥിതിയില്‍ ആകുമ്പോള്‍ കുപ്പിക്കുള്ളിലെ വ്യാപ്തം കുറയുന്നു .മര്‍ദ്ദം കൂടുന്നു .തന്മൂലം ബലൂണിലെ വായു പുറത്ത് പോകുന്നത് കൊണ്ട് ബലൂണ്‍ ചുരുങ്ങുന്നു .ഡയഫ്രം എന്ന പാളിയുടെ പ്രവര്‍ത്തനം നിമിത്തം നമ്മുടെ ശ്വാസകോശത്തിലും നടക്കുന്നത് ഇതേ പ്രവര്‍ത്തനം ആണ്
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ